Kumakaway sa mga motorista si Pangulong Ferdinand "Bongbong" R. Marcos, Jr. kasama sina Metro Pacific Tollways Corporation Chairman Manny V. Pangilinan at DPWH Secretary Manuel M. Bonoan habang pinapasinayaan ang NLEX Candaba 3rd Viaduct nitong Martes, Disyembre 10 sa boundary ng Pulilan, Bulacan at Apalit, Pampanga. -- Harold T. Raymundo

Pangulong Bongbong Marcos, nanguna sa pagpapasinaya

BAYAN NG PULILAN, Bulacan – Pinangunahan ni Pangulong Ferdinand “Bongbong” R. Marcos, Jr. kasama sina Metro Pacific Tollways Corporation Chairman Manny V. Pangilinan at Kalihim Manuel M. Bonoan ng Department of Public Works and Highways, ang pagpapasinaya sa North Luzon Expressway o NLEX Candaba 3rd Viaduct nitong Martes, Disyembre 10.

Umabot sa 7.8 bilyong piso ang halaga ng bagong viaduct na may limang kilometrong haba at bagong mag-uugnay sa Pulilan, Bulacan at Apalit, Pampanga, na itinayo sa gitna ng 50 taong gulang na northbound and southbound Candaba Viaduct.

Masayang nagpakuha ng larawan kay Pangulong “Bongbong” R.  Marcos, Jr.  matapos pasinayaan ang NLEX Candaba 3rd Viaduct, ang ilang opisyal ng Gitnang Luzon sa pangunguna ni dating Pangulo at Pampanga 2nd District Congresswoman Gloria Macapagal Arroyo, Gobernador Dennis G. Pineda, Gobernador Daniel R. Fernando ng Bulacan, Bise Gobernador Alex C. Castro, 1st District Congressman Danny A. Domingo, Pulilan Mayor Martitz Montejo, Calumpit Mayor Lem Faustino, at Vice Mayor Doc. Zar Candelaria. Nasa larawan din sina House Speaker Martin Romualdez, Senior Deputy Speaker and Pampanga 3rd District Congressman Dong Gonzales, DPWH Secretary Manuel M. Bonoan, at Metro Pacific Tollways Corporation Chairman Manny V. Pangilinan. – Larawang kuha ni Harold T. Raymundo

Bago ang maikling programang inihanda sa Noth Polo Club sa Brgy. Tabon, Pulilan, mainit na tinanggap  ni Gobenador Daniel R. Fernando ng Bulacan at Gobernador Dennis G. Pineda ng Pampanga si Pangulong Marcos.

Nakiisa rin sa programa si dating Pangulo at Pampanga 2nd District Congresswoman Gloria Macapagal Arroyo, House Speaker Martin Romualdez, Senior Deputy Speaker and Pampanga 3rd District Congressman Dong Gonzales, Bulacan Vice Governor Alex C. Castro, 1st District Congressman Danny A. Domingo, Pulilan Mayor Maritz Montejo, Calumpit Mayor Lem Faustino, Vice Mayor Doc. Zar Candelaria, MPTC President and COO Arrey A. Perez at iba pang opisyal sa Gitnang Luzon.

Masayang nagpakuha ng larawan kay Pangulong Ferdinand “Bongbong” R.  Marcos, Jr. matapos pasinayaan ang NLEX Candaba 3rd Viaduct, ang mga opisyal ng Metro Pacific Tollways Corporation o MPTC sa pangunguna nina Chairman Manny V. Pangilinan at Pres. and COO Arrey A. Perez. Nasa larawan din sina House Speaker Martin Romualdez  at Department of Public Works and Highways Secretary Manuel M. Bonoan. – Larawang kuha ni Harold T. Raymundo
 
 

Napag-alaman  na sinimulan ang rehabilitasyon at modernisasyon ng NLEX taong 2002 at natapos ng taong 2005 sa ilalim ng Built-Operate-Transfer, na tinatawag na Public-Private Partnership sa kasalukuyan.

Ayon sa punong ehekutibo, isang patotoo na epektibo ang PPP upang maging mabilis na maisakatuparan ang mga proyektong pang-imprastraktura.

Samantala, tiniyak naman ni Pangilinan na mananatiling buo ang suporta nya sa liderato ni Pangulong Marcos upang makatulong sa pagpapalakas ng ekonomiya sa bansa.

Mainit na tinanggap nina Gobernador Daniel R. Fernando (gitna) ng Bulacan at Gobernador Dennis G. Pineda si Pangulong Ferdinand “Bongbong” R.  Marcos, Jr matapos pasinayaan ang NLEX Candaba 3rd Viaduct nitong Martes, Disyembre 10 sa boundary ng Pulilan, Bulacan at Apalit, Pampanga. – Larawang kuha ni Harold T. Raymundo
 

Ayon naman kay Gobernor Fernando, malaking tulong ang modernisasyon ng NLEX para sa pag-unlad ng mga probinsya sa Norte at Gitnang Luzon.

Sinabi din ni Gobernador Pineda, mas magiging mabilis na ang daloy ng trapiko, at magaap na mailuluwas sa Metro  Manila ang mga Kalakal mula sa lalawigan ng Pampanga.

Kasamang sumalubong sa pagdating ni Marcos para magbigay pugay at tumulong na rin sa seguridad ng Pangulo sina LtGen Fernyl Buca, commander ng AFP Northern Luzon Command, PBGen. Redrico Maranan, regional director ng Police Regional Office 3 at PCol. Satur Ediong, provincial director ng Bulacan Police Provincial Office.

RELATED ARTICLESMORE FROM AUTHOR